You can see your future....?

ADIL MALKO TV

آپ اپنا مستقبل دیکھ سکتے ہیں    

               

                    

ہم میں سے اکثر لوگ اپنے مستقبل کو لے کر پریشان رہتے ہیں، انہیں کوئی راستہ نہیں دکھائے دیتا، کیرئیر نہیں بن رہا، خواہشات پوری نہیں ہو رہی، زندگی جیسے تھم سی گئی ہو۔ وقت گزر رہا ہے اور عمر بڑھ رہی ہے لیکن زندگی وہیں رکی ہوئی ہے۔ کیا آپ بھی کبھی کبھی ایسی باتوں کو لے کر پریشان ہوتے ہیں؟ مان لیں کہ اگر آپ کو اپنا پورا مستقبل معلوم ہو جائے۔

 

 کل کیا ہوگا؟

 دو دن بعد کیا ہوگا؟ اگلے ہفتے، مہینے، سال کیا ہوگا؟

 موت تک ہونے والے سب واقعات کا آپ کو علم ہوجائے تو آپ کی زندگی بہتر ہو جائے گی؟ کیا آپ تب خوش اور پر سکون رہ سکیں گے؟

 یہ خدا کی نعمتوں میں سے ایک نعمت ہے کہ ہمیں آنے والے وقت کا علم نہیں اگر ہوجائے تو ہم اپنا مستقبل دیکھ کر ہر پل پریشان پھرتے رہیں۔ ہماری ناکامیاں، بیروزگاریاں، جدوجہد، بیماری، عزیزوں کی موت، اپنوں کا دھوکہ یہ سب ہم اگر پہلے سے دیکھ لیں تو خود کشی ہی کرلیں۔ 

 

زندگی صرف موجودہ پل گزارنے کا ہی نام ہے۔ اپنے ہر پل کو خوب جینے کی کوشش کریں۔ مستقبل بنانے میں لگ جائیں پر اس پروسیس کو برڈن نہ سمجھیں بلکہ اس سے لطف اندوز ہوں۔ زندگی کے ہر پل، ہر لمحے کو بھرپور جیئیں۔ یاد رکھیں یہ جو وقت گزر گیا یہ کبھی نہیں آئے گا۔ ایک دن آپ کا وقت اور آپ دونوں ہی گزر جائیں گے۔ اس گزرتے ہوئے پل اور زندگی دونوں کو یادگار بنا لیں۔ آپ کا پل آپ کے لئے سب سے قیمتی ہے، یاد رکھیں اس سے قیمتی دنیا میں کوئی چیز نہیں۔ 

 

عادل اظہر