Right now the grass is in the heart

Adil Malko Tv 

ابھی تو چمن ِ دل میں ہیں جابجا

بہار  رُت کے حسین سلسلے

ابھی سے کیوں خاٸف ہے یہ دل

خزاں  کے  تنند تصورات سے

ابھی  آنکھوں کے تشنہ کوزوں کو تیرے

اسکی دید کے آبشار میسر تو ہیں

ابھی تیری سماعتوں کی بزم ِ طرب کو بھی

اسکی آواز کے ستار میسر تو ہیں

یہ فصل ِ حصول ِ ہمنشیں

گر چہ ہے مختصر  پر ملی تو ہے

شاخ ِ آرزو  پہ تکمیل کی

کوٸ نرم و نازک کلی کھلی تو ہے

تیرے صحرا  صفت دل کو آخرش

ہوٸ تو ہیں عطا شدید بارشیں

کہیں کسی جا تو ٹھہر پائی ہیںتیرے سیارہ ِ بخت کی گردشیں

تو اب اس تخیلاتی وصال کی مدت کو ہی

تو  اپنی عمر ِ کُل کا ماحصل سمجھ

بقیہ تمام ماہ و سال راٸگاں

اسی عرصہ ِمختصر کو اصل سمجھ

اس حیات کے ان کچھ دنوں سے تو

تمام عرق ِ زندگی  نچوڑ لے

اس کے خلوص کی کرم فرما ردا

اپنے سر سے پاٶں تک اوڑھ لے

اسکے ساتھ کی تمام ساعتیں

اپنی زندگی میں شمار کر

اور جس روز وہ کہہ دے الوداع

کہیں رکھ دینا لباس ِ جاں اتار کر

                          ثمینہ یاسمین نقوی