Whenever your hajj withith great intensity

ADILMALKOTV

 

تمہارا ہجر جب بھی کبھی

بہت شدت کے ساتھ

میرے اعصاب پر طاری ہونے لگتا ہے

میں تمہاری قربت کو فرض کرتا ہوں

کبھی ایسے کبھی ویسے

کبھی اپنے پاس محفوظ تمہاری آواز کو سننے لگتا ہوں

کبھی تمہاری بے شمار تصویروں کو

ان بارہا دیکھی ہوٸ تصویروں کو

پھر بار بار دیکھنے لگتا ہوں

اور پھر جب ہجر کی تپش

برداشت نہیں ہو پاتی تب

ایک کاغز پر

تمہاری اور اپنی شکل بناکر

اس میں تمہارے چہرے کو

اپنے چہرے کے بالکل قریب تر کر کے

تمہیں اپنے اتنا ہی پاس تصور کر کے

بے چین ہوتے دل کو سنبھالتا ہوں

تو تمہیں ایسے ہی بہت سے کاغز

میرے کمرے میں ملیں گے

جو در حقیقت میرے اور تمہارے وصل کے

کاغزی تخیلی تحملی شاہکار ہیں

جو در اصل میری ان وحشتوں کی پکار ہیں

جو مجھے میرے بخت نے سونپ دی ہیں

کہ مجھ سے تمہارا ہجر گوارا کبھی ہوا ہی نہیں

ثمینہ یاسمین نقوی