I wish I ever had a nice trip with him

ADILMALKOTV

I wish I ever had a nice trip with him

وہ میری زندگی کے ہر  تخیلاتی سفر کا ساتھیکاش  کبھی میرے ساتھ چلے

ایک ایسے سہانے سفر پر

        جہاں ایک پُر سکون بہتی ہوئی ندی ہو

جس میں ایک کشتی ہو

اور کشتی پہ سوار

زمین و آسماں سے بیزار 

ہم دونوں  مبتلاۓ محبت 

اس خاموش ندی کے برعکس

ایک ہیجان خیز طوفان

اپنے سینوں میں دباۓ

بس ایک دوسرے میں گم ہوں

اور جب فرط ِ جزبات میں وہ

مجھے اپنی باہوں میں اٹھا لے

تو میں اس گھڑی

اپنے دونوں ہاتھ

اوپر اٹھاؤں

اور بس اسی لمحے 

مجھے یوں محسوس ہو

کہ جیسے میں نے

اس نیلے آسمان کو چھو لیا ہے                

                            وہ کہ ایک لامحدود سا دریا محبت کا

میرے تمام تر تفکرات کی نہریں

اسی میں جاکے ضم ہوتی ہیں

وہ کہ کوئی ابر بہت مخصوص جزبوں کا

میں مثل بارش کے قطروں کے اسی میں مخفی رہتی ہوں

وہ کوٸ گل ِ شاداب چمن ِ حسن و جازبیت کا

میں اس کی خوشبوؤں کی مانند 

 بسی رہتی ہوں شام وسحر اس میں

وہ کسی شہر ِ شبستاں کی صورت جگمگاتا سا

میں اس سے ملحق شاہراہ ِ خاص سی ہر دم

گویا کہ وہ جب جس روپ میں چھوے میرے تخیل کو

میں بہر صورت اسی سے متصل ہو کے ہی شمار کی جاٶں

  ثمینہ یاسمین نقوی