My sleep and all my sleep in the name of this one person

ADIL MALKO TV

میری نیندیں اور  میرے سب رتجگے

اس ایک شخص کے نام۔۔۔

جس کے خوابوں  اور تخیلات  نے

میری روح کے سب زخم سی دٸیے۔۔

جس کی توجہات کے عطر نے

مجھے  سارا کا سارا مہکا دیا 

میرے شوق کی سبھی منزلیں

مجھے جس کے ساتھ چلتے ہوۓ مل گٸیں

وہ جس کا ہر انداز دل پسند

وہ جس کا ہر فعل و عمل آفریں

مجھے اپنے بخت سے تھے جتنے گلے

سب اس نے اس دل سے مٹا دٸیے

اس کی دستیابیاں گر چہ ہیں مختصر

مگر ہیں جتنی بھی وہ کمال ہیں۔۔۔

میں یہ رفاقتوں کی بارشیں

رکھوں گی بہت سہیج کر۔۔

جب پڑے گا قحط ِ اخلاص تو

یہ اس وقت بہت کام آٸیں گی

میں اس کے کہے ہر لفظ کو

ذہن و دل کی ڈاٸری میں  کروں گی رقم

اس کے یہی خوبصورت لفظ سب

میری بد حواسیوں کو کریں گے کم۔۔

اپنی عمر کے آخری پلوں میں پھر

میں ورد کروں گی جب اسم ِ رب

اس تسبیح  کے ہی درمیاں 

کہیں ایک نام اور آۓ گا تب

وہ نام جو میرے جسم کی

 ہر ایک شریان میں رواں رہا سدا

وہ نام جو میری  ہر آسودگی  قطرہ قطرہ پی گیا۔۔

Click on for watch video 

👇 

Suna hai log

                                    ثمینہ یاسمین نقوی ۔ ۔ ۔ ۔ ۔